Qazaqstan Respýblıkasy Úkimetiniń qaýlysy  №1404

2014 jylǵy 30 jeltoqsan,  Astana, Úkimet Úıi Jambyl oblysy Taraz qalasynyń qala mańy aımaǵynyń keıbir máseleleri týraly 2003 jylǵy 20 maýsymdaǵy Qazaqstan Respýblıkasy Jer kodeksiniń 110-babyna sáıkes Qazaqstan Respýblıkasynyń Úkimeti qaýly etedi: 1. Osy qaýlyǵa qosymshaǵa sáıkes Jambyl oblysy Taraz qalasynyń qala mańyndaǵy aımaǵynyń shekaralary belgilensin. 2. Qosa berilip otyrǵan Jambyl oblysy Taraz qalasynyń qala mańy aımaǵyna engizilgen jerlerdi paıdalaný qaǵıdalary men rejımi bekitilsin. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2014 jylǵy 30 jeltoqsandaǵy №1404 qaýlysyna qosymsha Jambyl oblysy Taraz qalasynyń qala mańy aımaǵynyń shekaralary Soltústik shekarasy: Jambyl oblysy Taraz qalasynyń qala mańy aımaǵyn qosa alǵanda, Jambyl aýdanynyń Aqbastaý, Asa, Kólqaınar, Jambyl aýyldyq okrýgteri jerleriniń aýmaǵy arqyly ótedi jáne odan ári shyǵys baǵytymen Baızaq aýdanynyń Býryl jáne Kóktal aýyldyq okrýgterin bólip turǵan shekara boıymen ótedi, Baızaq aýdanynyń Myrzataı aýyldyq okrýgi jerlerin jáne «Batys Eýropa – Batys Qytaı» avtojolyn kesip ótedi, odan ári Baızaq aýdany Úlgili aýyldyq okrýginiń aýmaǵymen ótedi. Shyǵys shekarasy: Baızaq aýdanynyń Sarykemer, Botamoınaq jáne Qostóbe aýyldyq okrýgteri aýmaǵyn kesip ótip, odan ári Jambyl aýdanynyń Polatqosshy, Qyzylqaınar aýyldyq okrýgteri aýmaǵy arqyly ótedi. Ońtústik shekarasy: Memlekettik shekaranyń Qyrǵyz Respýblıkasymen shektes beldeýimen ótedi. Batys shekarasy: Aısha bıbi aýyldyq okrýgimen Qyrǵyz Respýblıkasynyń shekarasynyń qıylysqan jerinen bastalyp, soltústik baǵytqa qaraı joǵary kóterilip, Grodekovo aýyldyq okrýginiń aýmaǵy arqyly, odan ári Jambyl oblysy Taraz qalasynyń qala mańy aımaǵyna kiretin Jambyl aýdanynyń Aısha bıbi jáne Polatqosshy aýyldyq okrýgteri aýmaqtary arqyly ótedi. Qazaqstan Respýblıkasy Úkimetiniń 2014 jylǵy 30 jeltoqsandaǵy №1404 qaýlysymen bekitilgen Jambyl oblysy Taraz qalasynyń qala mańy aımaǵyna engizilgen jerlerdi paıdalaný qaǵıdalary men rejımi 1. Osy Jambyl oblysy Taraz qalasynyń qala mańy aımaǵyna engizilgen jerlerdi paıdalaný qaǵıdalary men rejımi (budan ári – Qaǵıdalar) Qazaqstan Respýblıkasy Jer kodeksiniń 110-babyna sáıkes ázirlendi. 2. Jambyl oblysy Taraz qalasynyń qala mańy aımaǵyna engizilgen eldi mekenderdiń jerleri osy kentterdiń, aýyldardyń jáne basqa mekenderdiń (budan ári – eldi mekender) bas josparlary, olardyń aýmaqtaryn jer-sharýashylyq ornalastyrýda jáne jerdi aımaqtarǵa bólý shemalary negizinde paıdalanylady. 3. Qala mańy aımaǵyna engizilgen eldi mekenderdiń jer-sharýashylyq ornalastyrý jobalarynyń, josparlaý jáne salý jobalarynyń Jambyl oblysy Taraz qalasynyń bas josparyna sáıkestigin aıqyndaý úshin tıisti aýyldyq okrýgtiń ákimi olardy Jambyl oblysy Taraz qalasynyń jergilikti atqarýshy organyna kelisýge usynady. Jambyl oblysy Taraz qalasynyń jergilikti atqarýshy organy bir aı merzimde jobany tıisti sáýlet jáne qala qurylysy, jer qatynastary jónindegi, qorshaǵan ortany qorǵaý organdarynyń, sanıtarııalyq-epıdemıologııalyq jáne basqa da qyzmetterdiń qaraýyn qamtamasyz etedi jáne olardyń qorytyndylary negizinde usynylǵan jobalardy kelisý týraly sheshim qabyldaıdy. Jobalar bas josparǵa sáıkes kelmegen jaǵdaıda, Jambyl oblysy Taraz qalasynyń jergilikti atqarýshy organy aýmaqtary qala mańy aımaǵyna engizilgen tıisti aýdandardyń jergilikti atqarýshy organdaryna olardy bas josparǵa sáıkes keltirý úshin jobalardy túzetý týraly ótinishhat beredi. 4. Qala mańy aımaǵy eldi mekenderiniń túzetilgen jobalary aýdandyq (qalalyq) ókildi jáne atqarýshy organdardyń birlesken sheshimimen belgilenedi jáne ózgertiledi. 5. Jambyl oblysy Taraz qalasynyń qala mańy aımaǵyna engizilgen aýyl sharýashylyǵy maqsatyndaǵy jerler aýyl sharýashylyǵy maqsattary úshin Qazaqstan Respýblıkasynyń zańnamasynda belgilengen tártippen paıdalanylady. Qala mańyndaǵy aýyl sharýashylyǵy óndirisin qarqyndy damytý aımaǵyna engizilgen jerlerdi aýyl sharýashylyǵyn júrgizýge baılanysty emes maqsattarǵa paıdalaný úshin alyp qoıý, sondaı-aq erekshe jaǵdaılarda, qala mańy aýmaǵyna engizilgen aýyl sharýashylyǵy alqaptaryn bir túrden basqa túrge aýystyrý Qazaqstan Respýblıkasynyń jer zańnamasynda aıqyndalǵan tártippen júrgiziledi. 6. Ormandar, orman parkteri jáne basqa da jasyl ekpeler alyp jatqan jasyl aımaqtardyń jeri qorǵaý men sanıtarııalyq-gıgıenalyq fýnksııalar atqarady jáne orman qory jerine jatady. Jasyl aımaqtar jeri mádenı-saýyqtyrý, rekreasııalyq jáne týrıstik maqsattarǵa paıdalanylady. Búl jerlerde jasyl aımaqtardyń qorǵaý, sanıtarııalyq-gıgıenalyq fýnksııalaryna jáne halyqtyń demalysyn uıymdastyrý maqsattaryna saı kelmeıtin qurylystar men ǵımarattar salýǵa jol berilmeıdi. 7. Qala qurylysyn erekshe retteý aımaǵyna engizilgen jerler Jambyl oblysy Taraz qalasyn damytýǵa, ınjenerlik jáne kóliktik ınfraqurylymdardyń qalypty jumys isteýi úshin qajetti qurylystardy ornalastyrýǵa jáne salýǵa arnalǵan rezervtik aýmaqtar bolyp tabylady. Qala qurylysyn erekshe retteý aımaǵynda qurylys salý Jambyl oblysy Taraz qalasynyń sáýlet jáne qala qurylysy organdarymen kelisilgen, kórsetilgen aımaqta ornalasqan eldi mekenderdiń bas josparyna sáıkes iske asyrylady. 8. Qala qurylysyn erekshe retteý aımaǵynda ornalastyrý kózdelgen, qalanyń sáýletine jáne ekologııasyna eser etetin, olarǵa eldi mekenderdiń sheginen tys jerden jer ýchaskeleri kózdelgen obektiler boıynsha, Jambyl oblysy Taraz qalasynyń jergilikti atqarýshy organy jáne aýmaqtary qala mańy aımaǵyna engizilgen aýdandardyń jergilikti atqarýshy organdary osy obektilerdi ornalastyrý úshin jer ýchaskelerin tańdaý jónindegi arnaıy komıssııa qurady. 9. Kórsetilgen komıssııanyń quramyna Jambyl oblysy Taraz qalasynyń jáne aýmaqtary qala mańy aımaǵyna engizilgen aýdandardyń jergilikti atqarýshy organdarynyń jáne tıisti sáýlet jáne qala qurylysy, jer qatynastary jónindegi, aýyl sharýashylyǵy, qorshaǵan ortany qorǵaý organdarynyń, memlekettik sanıtarııalyq-epıdemıologııalyq qyzmettiń jáne basqa da múddeli memlekettik organdardyń ókilderi kiredi. 10. Qala qurylysyn erekshe retteý aımaǵynda jeke jáne zańdy tulǵalarǵa jer ýchaskelerin menshikke nemese jer paıdalanýǵa berýdi nemese olardyń nysanaly maqsatyn ózgertýdi jergilikti atqarýshy organdar óz quzyreti sheginde Qazaqstan Respýblıkasynyń Jer kodeksine sáıkes júzege asyrady.